اسلام آباد (نیوزڈیسک)انٹر بینک میں ڈالر مہنگا اوپن مارکیٹ میں سستا ہوگیا ۔تفصیلات کے مطابق انٹر بینک مارکیٹ میں کاروبار کے دوران ڈالر کی قیمت میں 10 پیسے اضافہ ہواہے جس کے بعد ڈالر 283 روپے پر ٹریڈ کر رہاہے جبکہ اوپن مارکیٹ میں ڈالر کی قیمت میں 25 پیسے کمی ہوئی ہے جس کے بعد ڈالر 284.25 روپے پر فروخت ہو رہاہے ۔

دوسری جانب سٹاک مارکیٹ میں آج ایک مرتبہ پھر سے مندی کا رجحان پیدا ہو گیاہے ، کاروبار شروع ہوا تو 100 انڈیکس 62 ہزار 448 پوائنٹس پر تھا جس میں کچھ ہی دیر میں 156 پوائنٹس کی کمی ہوئی اور انڈیکس 62 ہزار 291 پوائنٹس پر آ گیا ۔