کوئٹہ (این این آئی)پاکستان غریبوں کی پارٹی کے صوبائی صدر سردار داؤد خان نے کہا ہے کہ کوئٹہ شہر اور گردونواح میں ایرانی پیٹرول کی قیمتیں بے لگام کل تک 190 روپے فی لیٹر فروخت ہونے والا پیٹرول آج یکدم 240 روپے پر پہنچ گیا

پیٹرول مافیا بارڈر مافیا عوام کو دونوں ہاتھوں سے لوٹنے لگے عوامی حلقوں کا وزیر اعلی بلوچستان میر عبدالقدوس بزنجو چیف سیکرٹری بلوچستان عبدالعزیز عقیلی ڈپٹی کمشنر کوئٹہ اور دیگر اعلی حکام سے فوری نوٹس لینے کا مطالبہ تفصیلات کے مطابق پاکستانی پیٹرول کی قیمتوں میں نمایاں کمی کے باوجود ایرانی پیٹرول مافیا اور بارڈر مافیا کی ملی بھگت سے مہنگائی کے ستائے ہوئے عوام کو دونوں ہاتھوں سے لوٹا جا رہا ہے

عوامی حلقوں کا کہنا ہے کہ حکومت کا ایرانی پیٹرول ڈیزل مافیا پر یا تو کوئی کنٹرول نہیں یا پھر بھتہ خوری کمیشن کی وجہ سے انکو لگام نہیں دیا جاتا چند روز قبل پیٹرول 175 روپے فی لیٹر تھا جو چند روز 190 روپے فروخت کرنے کے بعد آج یکدم 240 روپے فی لیٹر فروخت کرکے عوام پر زندگی کو تنگ کر دیا گیا ہے عوامی حلقوں کا کہنا ہے کہ اگر اس پیٹرول سے صرف بارڈر مافیا پیٹرول مافیا کو فائدہ ملنا ہے جو کروڑوں روپے کما رہے ہیں اور غریب عوام کو اس سے کوئی فائدہ نہیں ملتا تو اس پر پابندی عائد کی جائے۔