اسلام آباد (مانیٹرنگ ڈیسک) مشروبات کو میٹھا کرنے والی چینی پر فیڈر ل ایکسائز ڈیوٹی 13 سے بڑھاکر 30 فیصد کرنے کی تجویز دی گئی ہے ۔

جنگ اخبار میں مہتاب حیدر کی خبر کے مطابق تجویز کے مطابق ہر 250 ملی لیٹر پر 2 روپے کی ہیلتھ لیوی لگے گی اور کسٹم ڈیوٹی 20 سے بڑھا کر 40 فیصد کردی جائے گی۔ایس ایس بی جیسے کہ پانی، ہوا سےحل شدہ پانی، جوس، توانائی، مشروبات، آئس ٹی دودھ اور چینی حل شدہ دودھ اور دیگر میٹھے مواد اور فلیور ز پر 13 سے 30 فیصد اضافہ کیاجائےگا۔ یہاں یہ تذکرہ کرنا بھی بے جانہ ہوگا کہ پاکستان میں شوگرٹیکس کو اسی نمونے پر بڑھایاجارہا ہے جیسے ترقی پذیر دنیا کے دیگر ممالک میں بڑھایاجارہا ہے لیکن ذاتی مفادات والے گروپ جن کے تمام سیاسی پارٹیوں میں کنکشن موجود ہیں وہ اسے ’ میٹھے‘ پر ٹیکس اضافے کے آڑے آتے رہے۔ فیڈرل ہیلتھ لیوی لگانے کی صورت میں ماہرین نے اپنی رپورٹ میں تجویز کیا ہے کہ کیلوری والی مٹھاس 100 ملی لیٹر میں 4 گرام سے کم ہوتی ہے اور اس کے ہر100 ملی لیٹرپر2 روپے کیلوری والی مٹھاس میں اضافہ ہوگا۔