لاہور( این این آئی)قومی ایئرلائن نے غیرضروری اخراجات کم کرنے کیلئے کاک پٹ کریو کا بین الاقوامی جنرل ڈیکلریشن(جی ڈی)ٹریول ختم کردیا۔تفصیلات کے مطابق چیف ایچ آر ڈپارٹمنٹ عامر الطاف نے بین الاقوامی جنرل ڈیکلریشن ٹریول کے خاتمے سے متعلق نوٹیفکیشن بھی جاری کردیا ہے۔قومی ایئرلائن عملے کو اب صرف ڈومیسٹک فلائٹ پر جی ڈی ٹریول کی سہولت میسر ہوگی
ڈومیسٹک فلائٹس عملہ ماہانہ 10بار سہولت سے استفادہ حاصل کرسکے گا، عملہ ماہانہ جنرل ڈیکلریشن رپورٹ سی ای او اور جنرل آپریشن منیجر کو جمع کرانا ہوگا۔ڈومیسٹک فلائٹس میں جنرل ڈیکلریشن کی سہولیات میں ردوبدل نہیں کیا گیا۔ ترجمان پی آئی اے کے مطابق غیرضروری اخراجات کم کرنے کے لیے جی ڈی کو ختم کیا گیا ہے۔
