کراچی(این این آئی)پاکستان اسٹیٹ آئل(پی ایس او)کی جانب سے ستمبر کیلئے ایل این جی کی در آمد کے حوالے سے دیئے گئے ٹینڈر کے جواب میں25ڈالر فی ایم ایم بی ٹی یو کی بولی وصول ہوئی ہے ، اگر اس بولی کو منظور کر لیا گیا تو یہ دنیا میں اب تک خریدی جانے والی سب سے مہنگی ترین ایل این جی ڈیل ہوگی۔تفصیلات کے مطابق پی ایس او کی جانب سے ستمبر میں ایل این جی کے دو کارگو کی خریداری کیلئے بولیاں طلب کی گئی تھیں جس کے جواب میں سپلائر قطر پٹرولیم نے 16تا 17ستمبر کے دوران 25.26ڈالر فی ایم ایم بی ٹی یو اور ویٹول نے 26تا27ستمبر کے دوران 17.89ڈالر فی ایم ایم بی ٹی یو کے حساب سے بولی جمع کرائی ہے ،ذرائع نے بتایاکہ اگر پی ایس او حکام کی جانب سے قطر پٹرولیم کی دی گئی پیشکش قبول کی جاتی ہے تو یہ اب تک کا دنیا میں سب سے مہنگا ترین ایل این جی کارگو ہوسکتا ہے