لاہور(این این آئی )مسلم لیگ(ن)پنجاب کی سیکرٹری اطلاعات عظمی بخاری نے کہا ہے کہ چینی مافیا کے بعد اب مرغی مافیا بھی حکومت سے طاقتور ہوگیا ہے، مرغی کے گوشت نے چار سنچریاں حکومتی سرپرست میں کراس کرلی ہیں،حکومت نیب اور ایف آئی اے کی طرح عدالت کو بھی کنٹرول اور ڈکٹیٹ کرنا چاہتی ہے۔اپنے بیان

میںانہوںنے کہاکہ عمران خان اپنے انجام کی فکر کریں۔شریف فیملی اور مسلم لیگ ن نے چار سال انتقامی احتساب بھگت لیا۔اب نئے پاکستان کے جعلی کاریگروں اور ڈینٹنگ پینٹنگ کرنے والوں کی باری ہے۔انہوںنے کہاکہ جو کام کرنے کا ہے وہ آپ سے ہوتا نہیں،کام کے نا کاج کے دشمن اناج کے۔خادمہ جی اپوزیشن اور عوام آپ کی کارکردگی پہ رو رو کے تھک گئی ہے۔اگر ہماری نشاندہی پر بھی آپ کو ہوش نہ آئے تو اقتدار کی کرسی چھوڑ دیں۔سلطنت عمرانیہ میں ایک سے بڑھ کر ایک چاپلوس اور خوشامدی موجود ہے۔عوام گھی،چینی،آٹا،دالیں مہنگی ہونے کا شور مچار رہی ہے۔عمران خان کے انڈرٹریننگ منشی کہتے ہیں شہبازشریف کو باہر نہیں جانے دینگے۔سلکیٹڈ وزیراعظم اور ان منشیوں کی اس وقت ساری توجہ شہبازشریف پر ہے۔پہلے یہی ٹولہ نوازشریف اور مریم نواز کی جاسوسی کرتا رہا ہے۔آج شہبازشریف کو عدالت سے ریلیف ملنے پر پریشانی میں مبتلا ہے۔ عظمی بخاری نے کہا ہے کہ چینی مافیا کے بعد اب مرغی مافیا بھی حکومت سے طاقتور ہوگیا ہے، مرغی کے گوشت نے چار سنچریاں حکومتی سرپرست میں کراس کرلی ہیں،حکومت نیب اور ایف آئی اے کی طرح عدالت کو بھی کنٹرول اور ڈکٹیٹ کرنا چاہتی ہے۔