اسلام آباد (مانیٹرنگ ڈیسک )فرانس میں گستاخانہ خاکوں پر فرانسیسی صدر ایمانوئیل میکرون کی جانب سے حمایتی بیان کے بعد پاکستان فرانس کے درمیان تعلقات کشیدہ ہو گئے ہیں ، پاکستان نے فرانس کو کرارا جواب دیتے ہوئے معاہدہ منسوخ کر دیا، اطلاعات کے بعد یہ معاہدہ دفاعی نوعیت کا تھا ۔

میڈیا رپورٹس کے مطابق پاکستان اور فرانسیسی کمپنی ائیربس اس ڈیل کو طے کرنے کے قریب تھے جس کے تحت پاک بحریہ اینٹی سب میرین وارشپ ہیلی کاپٹر پروگرام کے لیے 27 EC725 Caracal ملٹی مشن ہیلی کاپٹر خریدنا چاہتی تھی۔پاک نیوی کی جانب سے ہیلی کاپٹرز کے بیڑے کو جدید بنانے کیلئے جاری ٹینڈر کا امکان ظاہر کیا گیا تھا کہ فرانسیسی طیارہ ساز کمپنی ائیر بس کو ملنا تھا تاہم حالیہ اسلام مخالف سرگرمی کی وجہ سے دونوں ممالک میں حالات کشیدگی اختیار کر گئے ہیں ، یہ اطلاعات سامنے آئیں ہیں کہ پاکستان نیوی نے ائیر بس کیساتھ طے پانے والا معاہد منسوخ کر دیا اور فرانسیسی کمپنی کو ٹینڈر کے عمل سے بھی باہر نکال دیا ہے ۔ واضح رہے کہ فرانس میں اسلام مخالف بیانات اور رسول اکرمؐ کے گستاخانہ خاکوں کی اشاعت پر صدر ایمانوئیل نے حمایتی بیان دے کر دنیا بھر کے مسلمانوں کے غم و غصے میں شدت پیدا کر دی ہے جس کی بھرپور الفاظ میں پاکستانی وزیراعظم عمران خان سمیت دنیا بھر کےمسلم ممالک نے شدید مخالفت کی اور فرانسیسی صدر کےالفاظ اور خاکوں کی اشاعت کو مجرمانہ قرار دیتے ہوئے عالمی عدالت کو خط لکھا گیا ہے جس میں سخت سے سخت کاروائی کامطالبہ کیا ہے ۔