کراچی(این این آئی)وزارت خزانہ نے ملک بھر میں کورونا وبا کے پھیلائو کے خدشات پر متعلقہ طبی آلات کی قیمتوں میں ہوشربا اضافے کے اثرات کو زائل کرنے کے لیے 61 مختلف اقسام کے طبی آلات کی درآمدات پر سیلز ٹیکس ختم کردیاہے۔وفاقی وزارت خزانہ کے ایڈیشنل سیکریٹری ڈاکٹر حمید عتیق سرور کے دستخطوں سے سیلز ٹیکس کے خاتمے کا نوٹی فکیشن جاری کردیا گیا ہے جس کے مطابق جن

طبی آلات کی درآمدات پر سیلز ٹیکس معاف کیا گیا ہے ان میں ریئل ٹائم پی سی آر سسٹم، پی سی آر کیبنٹ اور ادویات کے ریفریجریٹرز شامل ہیں جب کہ کورونا کی ریئل ٹائم پی سی آر کٹ پر بھی سیلز ٹیکس ختم کردیا گیا۔نوٹی فکیشن کے مطابق آئی سی یو مانیٹرز، ای سی جی مشین، موبائل ایکسرے مشین کی درآمد پر سیلز ٹیکس ختم کرنے سمیت آکسیجن ریکوری کٹ پر بھی سیلز ٹیکس کا خاتمہ کر دیا گیا ہے۔