اسلام آباد (این این آئی) ای سی سی نے گیس کی قیمتوں میں اضافے کی سمری ایک بار پھر موخرکر دی ۔ منگل کو مشیر خزانہ کی زیر صدارت اقتصادی رابطہ کمیٹی کا اجلاس ہو ا جس میں گیس کی قیمتوں میں اضافے کی سمری موخر کی گئی ۔ مشیر خزانہ نے کہاکہ گیس کی قیمتوں میں اضافے جلدی بازی میں نہیں کریں گے،گیس کی قیمتوں میں تجاویز کو مزید بہتر بنایا جائے۔مشیر خزانہ نے کہاکہ عوام کو

گیس کی قیمتوں میں اضافے کے اثرات سے بچانے کی تجاویز دیں۔ مشیر خزانہ نے ہدایت کی کہ گیس کی قیمتوں میں اضافے کا متبادل بھی دیں۔ کمیٹی نے وزارت دفاع کیلئے ٹیکنیکل سپلیمنٹری گرانٹ کی منظوری دے دی،وزارت اطلاعات میں ڈیجیٹل میڈیا ونگ کی منظوری دے دی۔ای سی سی کا پاکستان پوسٹل انشورنس کو کمپنی بنانے کا فیصلہ کرلیا ،ای سی سی نے 70 کروڑ روپے کا پیڈ اپ کیپٹل منظور کرلیا۔

موضوعات:ای سی سی گیس کی قیمت