لاہور( این این آئی)پنجا ب حکومت نے اورنج لائن میٹرو ٹرین کی ٹکٹ 40روپے رکھنے کی تجویزدیدی تاہم محکمہ خزانہ کی جانب سے اسے 50روپے رکھنے کی سفارش کی گئی ہے ۔ ذرائع کے مطابق اورنج ٹرین سے متعلق وزیراعلی پنجاب سردار عثمان بزدار کی سربراہی میں اہم اجلاس ہوا ۔ ذرائع کے مطابق اجلاس میں حکومت کی جانب سے اورنج لائن ٹرین کا
ٹکٹ 40 روپے رکھنے کی تجویز دی گئی ۔ اس کے ساتھ سالانہ 6 ارب روپے سبسڈی دینے کی بھی تجویز دی گئی۔ ذرائع کے مطابق محکمہ خزانہ پنجاب کی جانب سے ٹکٹ 50 روپے رکھنے کی سفارش کرتے ہوئے کہا گیا ہے کہ زیادہ سبسڈی نہیں دے سکتے۔ اجلاس میں اورنج ٹرین پر سبسڈی دینے اور ٹکٹ طے کرنے سے متعلق اہم تجاویز سامنے آئیں۔
