فیصل آباد(آن لائن)مرغی گوشت کی قیمت نے ٹرپل سنچری مکمل کر لی۔ برائلر مرغی کا گوشت 320روپے فی کلو تک پہنچ گیا،عوام قیمتیں بڑھنے پر حیران پریشان ہو گئے۔آن لائن کے مطابق چکن گوشت سستا ہونے کے باعث عوام کی فیورٹ ڈش ہے لیکن گزشتہ ایک ماہ میں اس کی قیمتیں بے لگام ہو گئی ہیں۔ ایک ماہ میں چکن گوشت کی قیمت میں 80 روپے کا اضافہ ریکارڈ ہوا۔
اور اب گوشت320 روپے فی کلو کی سطح تک پہنچ گیا ہے۔طلب اور رسد میں فرق چکن مارکیٹ میں غیر معمولی تیزی کی وجہ بن گیا ہے۔ شدید گرمی میں چوزوں کی کم افزائش مہنگائی کی وجہ بتائی جانے لگی ہے۔عوامی حلقے مطالبہ کرتے ہیں کہ مٹن اور بیف گوشت تو پہلے ہی مہنگا ہے، انتظامیہ کو چاہیے کہ چکن گوشت کی قیمت پر توجہ دے تا کہ عوام کو ریلیف مل سکے۔
