کراچی(آن لائن) مہنگائی میں اضافے کا تسلسل جاری ہے گزشتہ ہفتے کے دوران مہنگائی کی شرح میں 0.48فیصد جبکہ کم آمدنی والے طبقے کیلئے قیمتوں کے حساس اشاریئے میں 0.46فیصد اضافہ ریکار ڈ کیا گیا۔پاکستان بیورو شماریات کے اعداد و شمار کے مطابق19جولائی کو ختم ہونیوالے ہفتے کے دوران زندہ مرغی، انڈے،پیاز، ٹماٹر،گڑ،چینی

،چنے کی دال، دال مسور، ملک پاڈر،لہسن،روٹی سادہ، خوردنی تیل، بیف،مٹن، تازہ دودھ، دھی، چائے،بجلی کا بلب، مسٹرڈ آئل، باسمتی چاول،ویجی ٹیبل گھی، سمیت 28 اشیائے ضروریہ کی قیمتوں میں اضافہ ہوا۔آلو،سرخ مرچ، ایل پی جی،دال مونگ، دال ماش، گندم، آٹا،اری چاول، کیلے سمیت 9اشیائے ضروریہ کی قیمتوں میں کمی ریکارڈ کی گئی۔

موضوعات:مہنگائی