اسلام آباد(آن لائن)وفاقی حکومت کی جانب سے ملک میں گوشت کی پیداوار بڑھانے کیلئے 4 لاکھ بھینسوں اور کٹوں (بھینس کے بچے) کو فربہ کیا جائیگا۔حکومت کی جانب سے ملک بھر میں 7 ہزار کسانوں کو کٹے اور 25 ہزار کسانوں کو بھینسوں کو فربہ کرنے کیلیے رجسٹرڈ کیا جائیگا، 4 سالہ منصوبے پر 2 ارب 38 کروڑ 51 لاکھ

روپے لاگت آئے گی۔دستاویز کے مطابق وفاقی حکومت کی جانب سے ملک میں گوشت کی پیداوار بڑھانے کا منصوبہ تیار کیا گیا ہے جس کے تحت بھینسوں کو فربہ کرنے کیلیے ملک بھر میں فارمز بھی قائم کیے جائیں گے، 7 ہزار کسانوں کو کٹے فربہ کرنے کیلئے رجسٹرڈ کیا جائے گا اور25 ہزار کسانوں کو بھینسوں کو فربہ کرنے کیلیے رجسٹرڈ کیا جائے گا۔