اسلام آباد(مانیٹرنگ ڈیسک)انٹربینک میں ڈالر 1 روپے 4 پیسے مزید مہنگا جس پر ڈالر کی قیمت160 روپے 90 پیسے ہو گئی۔جس سے غیر ملکی قرضوں میں بھی اضافہ ہوگیادریں اثنابین الاقوامی گولڈمارکیٹ میں فی اونس سونے کی قیمت میں 8ڈالرکااضافہ، جس کے نتیجے میں مقامی صرافہ مارکیٹوں میں فی تولہ سونا1000روپے مہنگاہوگیا۔آل کراچی صراف اینڈجیولرزایسوسی ایشن کے مطابق بین الاقوامی گولڈ مارکیٹ میں فی اونس سونے کی قیمت
میں 8ڈالرکااضافہ ریکارڈ کیا گیا،کراچی، حیدرآباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کی صرافہ مارکیٹوں میں فی تولہ سونے کی قیمت میں 1000روپے اور10گرام سونے کی قیمت میں 858روپے کااضافہ ریکارڈ کیا گیا،جس کے نتیجے میں فی تولہ سونے کی قیمت81600روپے سے بڑھ کر82600روپے اوردس گرام سونے کی قیمت69942روپے سے بڑھ کر70800روپے کی نئی بلندترین سطح پر پہنچ گئی۔
