اسلام آباد(آن لائن)مالی سال 2018-19ء کے پہلے 11ماہ کے دوران بجلی کے پنکھوں کی ملکی برآمدات میں 30.45 فیصد کا اضافہ ریکارڈ کیا گیا ہے۔ادارہ برائے شماریات پاکستان کی رپورٹ کے مطابق گزشتہ مالی سال 2017-18ء میں جولائی تا مئی کے دوران 12لاکھ 96 ہزار بجلی کے پنکھے برآمد کئے گئے جن کی کل مالیت 2 ہزار 647 ملین روپے رہی جبکہ مالی سال 2018-19ء کے

اسی عرصہ کے دوران بجلی کے پنکھوں کی ملکی برآمدات 14لاکھ 76ہزار تک پہنچ گئیں جن کی کل مالیت 3 ہزار 453 ملین روپے تک بڑھ گئی۔پی بی ایس کی رپورٹ کے مطابق گزشتہ مالی سال 2017-18ء میں جولائی تا مئی کے مقابلہ میں مالی سال 2018-19ء کے اسی عرصہ کے دوران بجلی کے پنکھوں کی ملکی برآمدات میں 806 ملین روپے یعنی 30.45 فیصد کا اضافہ ہوا ہے۔