اسلام آباد (این این آئی)ایف بی آر نے بعض ٹی وی چینلز پر چلنے والی خبروں کی تردید کی ہے جس میں بتایا گیا ہے کہ ایف بی آر نے پراپرٹی کی قیمتوں کے تعین کا کام روک دیا ہے۔ منگل کو ایف بی آر کے ترجمان نے واضح کیا کہ پراپرٹی مارکیٹ کے
سٹیک ہولڈرز کے ساتھ مذاکرات کا عمل تیزی سے جاری ہے اور نئے ریٹس کا تعین رواں ہفتے کے اختتام تک مکمل ہو جائے گا۔ ترجمان کے مطابق نئے نوٹیفیکیشن جاری ہونے تک پراپرٹی کا لین دین جنوری میں جاری کئے گئے ریٹ پر ہو گا۔
