اسلام آباد (مانیٹرنگ ڈیسک) پاک سوزوکی موٹرز نے اپنے صارفین کے لیے مہران کی متبادل نئی 660 سی سی آلٹو پیش کر دی ۔اس حوالے سے پا ک چائنہ فرینڈ شپ سنٹر میں ایک تقریب منعقد ہوئی۔تقریب میں چیف ایگزیکٹیو آفیسر پاک سوزوکی موٹرز ماسومی ہارانو نے مینیجنگ ڈائریکٹر اور سینئر منیجرکے ہمراہ ’’موری سرخ رنگ‘‘ کی کار لانچ کی۔آلٹو کچھ منفرد رنگوں میں دستیاب ہے۔نئی آلٹو پاکستان میں بننے والی پہلی 660 سی سی ماڈل کار ہے جس کے تین ماڈلز متعارف کرائے گئے ہیں۔دو ماڈلز کو مکمل طور پر مینوئل اور ایک ماڈل کو خودکار رکھا گیا ہے۔جس کی
قیمتیں نو لاکھ ننانوے ہزار سے لے کر بارہ لاکھ پچانوے ہزار کے درمیان رکھی گئی ہیں۔آرسیریز کے انجن، جدید ڈیزائن اور جاپانی ٹیکنالوجی کی حامل نئی 660 سی سی آلٹو بن قاسم پلانٹ میں بنائی گئی۔کمپنی کا دعویٰ ہے کہ فیول اکانومی بہترین ہے جو تین سال وارنٹی کے ساتھ دستیاب ہوگی۔