لاہور(این این آئی)ٹریڈ ڈویلپمنٹ اتھارٹی آف پاکستان(ٹی ڈی اے پی) نے چین میں منعقد ہونے والی چار روزہ عالمی تجارتی نمائش’’انٹرٹیکسٹائل(ہوم ٹیکسٹائلز)‘‘میں شرکت کیلئے18 مارچ 2019ء تک درخواستیں طلب کی ہیں۔ اتھارٹی کی جاری تفصیلات کے مطابق نمائش کا انعقاد 28تا 31 اگست 2019ء کو شنگھائی چین میں ہوگا جس میں

ہوم ٹیکسٹائلز، فرنیچر کی اپ ہولسٹری، اسیسریز، کرٹن وغیرہ سمیت دیگرمصنوعات تیار و برآمد کرنے والے ادارے شرکت کے ذریعہ اپنی مصنوعات کی نمائش اورکاروباری معاملات طے کرسکیں گے جس سے برآمدات کے فروغ میں مدد ملے گی۔ عالمی تجارتی نمائش میں شرکت کے حوالے سے مزید تفصیلات ٹی ڈی اے پی کی ویب سائٹ سے بھی حاصل کی جاسکتی ہیں۔

موضوعات:ٹی ڈی اے پی