لاہور( این این آئی )ایرانی قونصل جنرل لاہور آغامحمد رضا نظری سے ایران پاک فیڈ ریشن آ ف کلچر اینڈ ٹریڈ کے صدر خواجہ حبیب الرحمان کی قیادت میں وفد نے ملاقات کی جس میں پاکستان اور ایران کے درمیان درمیان تجارتی حجم میں گزشتہ چار ماہ کے دوران 46 فیصد اضافے کو خوش آ ئند قرار دیتے ہوئے اس کو مزید بڑ ھانے پر تبادلہ خیال کیا گیا۔اس موقع پربزنس اتاشی آغایکدلے بھی موجود تھے۔

ملاقات کر نے والوں میں ضیاء الرحمان، آصف حسین اور بلا چشتی شامل تھے۔ایرانی قونصل جنرل آغامحمد رضا نظری نے کہا کہ دو طرفہ تجارتی تعلقات کو فروغ دینے کیلئے دو نوں ممالک کے درمیان تجارتی وفود کے تباد لوں سمیت جلد لاہور اور تہران میں دو نوں ممالک کی مصنوعات کو پرموٹ کرنے کیلئے نما ئش کا بھی اہتمام کیا جائے گا۔ آغامحمد رضا نظری نے کہا کہ پاک ایران تجارت کا فروغ خطے میں خوشحالی کے نئے دروازے کھلے گا۔ انہوں نے کہا کہ دونوں ممالک کے درمیان تجارتی حجم کو بڑھانے کے وسیع مواقع موجود ہیں اور میں سمجھتاہوں کہ ایران اور پاکستان کو علاقائی کوریڈورز میں سرمایہ کاری کرنی چاہیے اس میں دونوں ممالک کا فائدہ ہو گا۔ ملاقات کے بعدمیڈیا سے گفتگو کرتے ہوئے خواجہ حبیب الرحمان نے کہاہے پا کستان اور ایران کے درمیان آزاد تجارتی معاہدے کو رواں سال کے آ خر تک نافذ کردیا جائے گا، معاہدے کے تحت پاکستان ایران کی 339 اشیاء اور تہران کی جانب سے پاکستان کی 309 اشیاء پر رعایت دی جائے گی ۔انہوں نے کہا کہ معاہدے کے بعد دونوں ممالک ایک دوسرے کی 80 فیصد اشیاء کی درآمدات و برآمدات کی ڈیوٹی میں رعایت دینے کے پابند ہو ں گے۔انہوں نے کہا کہ 2021ء تک دو طرفہ تجارت کا حجم پانچ ارب ڈالر تک بڑھا نے کیلئے دونوں ممالک نے بینکاری کے شعبے میں خصوصی توجہ دینے پر بھی اتفاق کیا ہے ۔