لاہور(آئی این پی) بجلی کی طلب میں اضافے کے بعد شارٹ فال 3 ہزار میگاواٹ تک پہنچ گیا جس کے بعد لاہور سمیت دیگر شہروں میں بجلی کی لو ڈشیڈنگ کا دورانیہ 3 سے 6 گھنٹے تک پہنچ گیا۔ بجلی کی مجموعی طلب 21 ہزار میگا واٹ جبکہ پیدوار 18 ہزار میگاواٹ تک ہے۔ذرائع کے مطابق لیسکو کو 550 میگا واٹ بجلی کی قلت کا سامنا ہے جس کے باعث لاہور کے مختلف علاقوں میں
3 سے 6 گھنٹے کی اعلانیہ لوڈشیڈنگ جاری ہے۔ منگلا ڈیم سے پانی کا اخراج کم ہونے سے پن بجلی کی پیداوار متاثر ہوئی ہے۔لیسکو حکام کا کہنا ہے گزشتہ رات کے ٹیکنیکل فالٹ پر قابو پا لیا گیا۔ بجلی کی بندش لوڈ شیڈنگ اور معمول کے تکنیکی خرابیوں کے باعث ہے سسٹم اوور لوڈ ہونے سے ٹرپنگ شکایات بھی موجود جس کی شدت سے بجلی طلب میں اضافہ ہوا ہے۔
