ٹوکیو ( آن لائن )کارساز کمپنی ہونڈا نے کہا ہے کہ وہ آئندہ سال جاپان میں اپنے 6 سیٹوں والے نجی طیارے کی فروخت شروع کردے گی۔برطانوی خبر رساں ادارے رائٹرزکے مطابق ہونڈا ملک میں اور چین میں طیارے کی منظوری کے لئے کوشاں ہے تاہم وہ امریکا اور یورپ میں اس کی منظوری حاصل کر چکی ہے۔

کمپنی نے کہا کہ اس نے جیٹ کے گھریلو ترسیل کے لئے ٹریڈنگ ہاؤس ماروبنی کارپوریشن کے ساتھ شراکت داری کی ہے۔ماروبنی کارپوریشن ہوندا جیٹ کی ترسیل 2019 کی پہلی سہ ماہی میں شروع کردے گی۔ہونڈا کا 5.25 ملین ڈالر کاجیٹ پہلا پہلا طیارہ ہے جو عالمی جنگ کے بعد کسی کارساز کمپنی نے بنایا ہے۔