اسلام آباد (سی پی پی) ٹریڈ ڈویلپمنٹ اتھارٹی آف پاکستان (ٹی ڈی اے پی)نے نائیجیریا میں منعقد ہونے والی بین الاقوامی تجارتی نمائشفوڈ ویسٹ افریقہ میں شرکت کے خواہشمند اداروں سے12 مارچ2018 تک درخواستیں طلب کی ہیں۔ اتھارٹی کی جانب سے جاری کردہ تفصیلات کے مطابق نائیجیریاکے شہر لاگوس میں منعقد ہونے والی تجارتی نمائش کا آغاز8مئی2018 کو ہوگا جو تین روز تک جاری رہنے کے بعد10مئی کو اختتام پذیر ہوگی۔

جس میں ڈیری، جوسز، کنفیکشنری، چائے، بیکری، سمندری خوراک، لائیو سٹاک، حلال پراسیسڈ خوراک، چاول، پولٹری مصنوعات، فوڈ پیکجنگ، مصالحہ جات، جام، کچن کی مصنوعات سمیت دیگر مختلف مصنوعات تیار و برآمد کرین والے ادارے شرکت کے ذریعہ اپنی مصنوعات کی نمائش اورعالمی خریداروں سے کاروباری معاملات طے کرسکیں گے جس سے قومی برآمدات کے فروغ میں مدد حاصل ہوگی۔واضح رہے کہ عالمی تجارتی نمائش میں شرکت کے حوالہ سے مزید تفصیلات اتھارٹی کی ویب سائٹ سے بھی حاصل کی جاسکتی ہیں۔