لندن (مانیٹرنگ ڈیسک) موبائل صارفین کاسب سے پسندیدہ موبائل فون نوکیا3310کو17سال بعد ایک مرتبہ پھرفروخت کےلئے پیش کردیاگیاہے ۔نوکیاکایہ موبائل ہے تو3310لیکن اب اس کے فیچرزپہلے والے موبائل فون سے مختلف ہیں اوریہ نیااورجدید ماڈل رواں ماہ 25مئی کوبرطانیہ میں فروخت کےلئے مارکیٹ میں لانچ کردیاجائے گا۔نوکیا3310کایہ ماڈل ابھی برطانیہ میں ہی فروخت ہوگااوراسکی قیمت بھی مقررکردی گئی ہے ۔
جبکہ دیگرمغربی ممالک میں اس کی فروخت کب شروع ہوگئی ابھی تک اس کاحتمی اعلان نہیں کیاگیاہے لیکن امیدکی جارہی ہے کہ اگلے ماہ جون میں اس کوباقی ممالک میں بھی فروخت کےلئے پیش کردیاجائے گا۔یہ جدیدنوکیا3310موبائل ورلڈکانگریس میں فروری میں پیش کیاگیاتھااوراس ماڈ ل کے دیوانے اب اس کی خریداری کےلئے انتظارمیں ہیں ۔یہ نیانوکیاپرانے نوکیاسے بہت زیادہ جدیدنہیں ہے لیکن اس کے کچھ فیچرزجن میں اس کی رنگین سکرین ،اسکی چارجنگ کے لئے یوایس بی نماپورٹ ،ہیڈفون جیک ،اس کی سٹوریج 16ایم بی رکھی گئی ہے ،بلیوٹوتھ ، مائیکرو ایس ڈی کارڈ سلاٹ کااضافہ کیاگیاہے جبکہ 2.5 جی انٹرجیٹ اضافے میں شامل ہے۔اس نوکیاکی بیٹری ایک مرتبہ چارج کرنے کے بعد 22گھنٹے تک کام کرتی ہے جوکہ اس کودوسرے موبائل فونزسے نمایاں کررہی ہے ۔اس کی برطانیہ میں قیمت فروخت 50برطانوی پائونڈز(6675پاکستانی روپے )مقررکی گئی ہے ۔نوکیاکوپاکستان سمیت دیگرممالک میں کس قیمت پرفروخت کیاجائے گااس کے بارے میں ابھی تک کوئی معاملہ سامنے نہیں آیاہے کیونکہ پاکستان میں تواس کی درآمد پرٹیکس کے نفاذکے بعد اس کے مزیدمہنگاہونے کاامکان ہے اورہوسکتاہے کہ کمپنی پاکستان کےلئے اس کی قیمت دوسرے ممالک سے کم مقررکرے ۔تاہم نوکیانے دیگرممالک کےلئے اس کی قیمت کاباضابطہ اعلا ن بھی نہیں کیاہے اورحتمی تاریخ بھی نہیں بتائی گئی ہے ۔
