اسلام آباد(نیوزڈیسک)پرانے ڈیزائن والے نوٹوں کی قانونی حیثیت ختم ہو گئی ۔ عوام 31 دسمبر 2021 تک سٹیٹ بنک سمیت کمرشل بنکوں سے نوٹ تبدیل کروا سکیں گے ۔ سٹیٹ بینک کے مطابق گزشتہ روز رات بارہ بجے کے بعد سے پرانے ڈیزائن والے نوٹوں کی قانونی حیثیت ختم ہو گئی ہے جن نوٹوں کی قانونی حیثیت ختم ہوئی ہے ان میں 10 روپے، 50 روپے 100 روپے اور 1000 روپے کے پرانے ڈیزائن والے نوٹ شامل ہیں۔

واضح رہے کہ 5 روپے اور 500 روپے کے پرانے ڈیزائن والے نوٹوں کی قانونی حیثیت پہلے ہی ختم کر دی گئی تھی۔ سٹیٹ بینک نے نئے ڈیزائن والے نوٹوں کا آغاز سال 2005ء میں کیا تھا۔ سٹیٹ بنک نے تمام کمرشل بنکوں کو ہدایت کی تھی کہ وہ 30 نومبر 2016 تک پرانے ڈیزائن والے نوٹ وصول کریں تاہم سٹیٹ بینک نے عوام کی سہولت کے لئے بنکوں کو ہدایت کی ہے کہ وہ 31 دسمبر 2021 تک پرانے ڈیزائن والے نوٹوں کو تبدیل کریں۔

موضوعات:پرانے نوٹ