کراچی(آن لائن)ملک بھرکی صرافہ مارکیٹوں میں سونے کی قیمت میں کمی کا رجحان برقرار ہے ۔جمعرات کے روزعالمی صرافہ مارکیٹ میں 23ڈالرکی ریکارڈ کمی سے فی اونس سونے کی قیمت1189ڈالرہوگئی ۔آل پاکستان سپریم کونسل جیولرز ایسوسی ایشن کی رپورٹ کے مطابق ملکی صرافہ مارکیٹوں ایک تولہ سونے کی قیمت میں650روپے کی کمی ریکارڈکی گئی
جس کے بعد کراچی، حیدرآباد، لاہور، ملتان، فیصل آباد،اسلام آباد،راولپنڈی اورکوئٹہ کی صرافہ مارکیٹوں میں ایک تولہ سونے کی قیمت50ہزار750روپے سے کم ہو کر 50 ہزار 100روپے پرآگئی اسی طرح558روپے کی کمی سے دس گرام سونے کی قیمت42ہزار942روپے ہوگئی جبکہ ایک تولہ چاندی کی قیمت740روپے پربرقراررہی ۔
