اسلام آباد( مانیٹرنگ ڈیسک ) بھارت کی جارحیت کا جواب پاکستان کے بانڈز خرید کر غیرملکی سرمایہ کاروں نے دیدیا۔ پاکستانی اسلامی بانڈز میں ہدف سے چار گنا بڑھا۔ پچاس کروڑ ڈالر ٹارگٹ کے بجائے دو ارب چالیس کروڑ کی دیکھی گئی۔ حکومت نے ایک ارب ڈالر کے بانڈز فروخت کر دئیے۔ ان بانڈز کی میعاد پانچ سال ہو گی اور پاکستان کی تاریخ میں پہلی بار ان بانڈز پر شرح منافع کم ترین سطح پر ہو گا۔ پہلے بانڈز پر شرح منافع چھ سے آٹھ اعشاریہ 25 فیصد تھا جبکہ ان بانڈز پر شرح منافع 5.15 فیصد ہونے کی امید ہے۔
دوسری جانب چین کے بعد امریکی اسٹاک مارکیٹ نیسڈک بھی پاکستان اسٹاک ایکسچینج کے شیئرز خریدنے کیلئے میدان میں آگئی ہے۔ ذرائع کے مطابق نیسڈک کا وفد مذاکرات کیلئے 7اکتوبر کو پاکستان اسٹاک ایکسچینج کا دورہ کریگا۔نیسڈک اور برطانوی فنڈ نے مشترکہ طور پر شیئرز خریدنے میں دلچسپی ظاہر کی ہے۔دوسری جانب چین کی شنگھائی اسٹاک مارکیٹ بھی پاکستان اسٹاک ایسکچینج کے شیئرز خریدنے کیلئے میدان میں موجود ہے، پاکستان اسٹاک ایکسچینج کے شیئرزکی فروخت کا عمل نومبر تک مکمل ہونا ہے۔غیر ملکی خبر رساں ادارے کو دیئے گئے انٹرویو میں پاکستان اسٹاک ایکس چینج کے ایم ڈی ندیم نقوی نے بتایا کہ شنگھائی اسٹاک ایکس چینج نے پاکستانی مارکیٹ کے اسٹرٹیجک شیئرز کی خریداری میں دلچسپی کا اظہار کیا ہے۔پاکستان اسٹاک مارکیٹ نے جولائی میں 40 فیصد شیئر کی فروخت کے لئے پیشکشیں طلب کی تھیں۔ دلچسپی کا اظہار کرنے والی کمپنیوں کو 21 اکتوبر تک پیشکش جمع کرانی ہیں۔اسٹریٹجک شیئرز کی فروخت کے متعلق حتمی فیصلہ نومبر کے آخر تک کیا جائے گا۔ پاکستان اسٹاک ایکس چینج خطے کی بہترین مارکیٹ ثابت ہورہی ہے، انڈیکس میں رواں سال 25 فیصد کا اضافہ ہوچکا ہے۔

موضوعات:اسلامی بانڈز پاک بھارت کشیدگی