لاہور( این این آئی)پاکستان منٹ فیکٹری نے دس روپے کے سکوں کی پہلی کھیپ اسٹیٹ بینک کے حوالے کر دی ،پہلے مرحلے میں مجموعی طور پر 1ارب 10کروڑ روپے کے سکے تیار کیے جائیں گے۔حکومت نے دس روپے کی نوٹ کی جگہ دس روپے کا سکہ رائج کرنے کا فیصلہ کیا ہے جسے لاہور میں جی ٹی روڈ پر واقع پاکستان منٹ تیار کیا گیا ہے ۔پاکستان منٹ کی انتظامیہ نے دس روپے کے سکے کی پہلی کھیپ اسٹیٹ بینک کے حوالے کر دی ہے۔ یہ سکے بتدریج دس روپے کی نوٹ کی جگہ لیں گے۔ پہلے مرحلے میں پاکستان منٹ فیکٹری میں 1ارب 10کروڑ روپے کے سکے تیار ہوں گے۔