کراچی( مانیٹرنگ ڈیسک) سوئی سدرن گیس کمپنی نے کراچی سمیت سندھ بھر میں عید کے تینوں دن سی این اسٹیشن کو گیس کی فراہمی جاری رکھنے کا اعلان کردیا۔ترجمان سوئی سدرن گیس محمد علی گوہر کے مطابق عید الاضحیٰ کے تینوں دن کراچی سمیت سندھ بھر کے سی این جی اسٹیشنز کو گیس کی فراہمی بلا تعطل جاری رہے گی جبکہ ہفتہ واری تعطیل کے تحت جمعہ سولہ ستمبر کو صبح آٹھ بجے سے ہفتہ کی صبح آٹھ بجے تک گیس کی فراہم معطل رہے گی ، تمام صنعتوں کو گیس کی ہفتہ وار بندش کے تحت گیارہ ستمبر بروز اتوار صبح آٹھ بجے سے آئندہ چوبیس گھنٹوں کیلئے گیس کی فراہمی معطل رہے گی ۔