کراچی(نیوز ڈیسک) روپے کے مقابلے میں ڈالر کی قیمت،افواہوں نے زور پکڑ لیا،سٹیٹ بینک حرکت میں ،اہم اجلاس طلب۔ تفصیلات کے مطابق ڈالر کی قدر میں اضافہ کے باعث سٹیٹ بینک نے اجلاس طلب کر لیا ۔ اجلاس میں مرکزی بینک کے حکام کا کہنا تھا کہ ڈالر کی قدر میں اضافے کا کوئی جواز پیدا نہیں ہوتا یہ سب مستقبل میں ڈالر کی قدر میں اضافے سے متعلق قیاس آرائی کے باعث ہو رہا ہے۔سٹیٹ بینک نے ایکسچینج کمپنیوں کو ہدایت دی کی افواہوں کو قابومیں لانے کی کوشش کی جائے۔ اس موقع پر سٹیٹ بینک حکام کا یہ بھی کہنا تھا کہ عوام افواہوں پر توجہ نہ دیں کیونکہ مستقبل میں بھی ڈالر کم ریٹ پر ہی ملتا رہے گا۔