اسلام آباد (مانیٹرنگ ڈیسک) سندھ کی صوبائی حکومت نے ہوا کی مدد سے بجلی پیدا کنے کیلئے دو کمپنیوں کو 800 ایکڑ زمین الاٹ کرنے کی منظوری دی ہے۔ اس حوالے سے جامشورو اور نوری آباد ضلع میں ہوا سے بجلی پیدا کرنے کے دو منصوبے قائم کئے جائیں گے۔ کمشنر حیدرآباد ڈویژن قاضی شاہد پرویز نے اس سلسلے میں کہا ہے کہ ایک منصوبی 500 ایکڑ جبکہ دوسرا منصوبی 300 ایکڑ رقبے پر تعمیر کیا جائے گا۔ انہوں نے کہا ہے کہ ان منصوبوں کی تکمیل سے نہ صرف نوری آباد ضلع اور اسکے ملحقہ علاقوں میں توانائی کی ضروریات پوری کرنے میں مدد ملے گی بلکہ اس سے مقامی افراد کو روزگار کی فراہمی میں بھی مدد حاصل ہو گی۔