لاہور( مانیٹرنگ ڈیسک)اپنے اپنے انعامی بانڈز نکال لیں کیونکہ حکومت نے 750روپے مالیت کے قومی انعامی بانڈز کی قرعہ اندازی کا اعلان کر دیا ہے۔ قرعہ اندازی کل ہو گی ۔اس قرعہ اندازی کا پہلا انعام 15لاکھ روپے کا ایک ، دوسرے انعام میں5لاکھ روپے کے تین جبکہ تیسرے انعام میں9300روپے کے 1696انعامات کامیاب خوش نصیبوں میں تقسیم کئے جائیں گے۔
واضح رہے کہ اس سے پچھلی قرعہ اندازی 200 روپے والی قومی انعامی بانڈز کی 66 ویں قرعہ اندازی تھی جو 15 جون بروز بدھ فیصل آباد میں منعقد کی گئی جس کا پہلا انعام 7 لاکھ 50 ہزار روپے تھا جبکہ اڑھائی لاکھ روپے کے 5 انعامات اور اسی طرح 1250 روپے کے 2394 انعامات خوش نصیبوں میں تقسیم کئے گئے