اسلام آباد(نیوز ڈیسک)پاکستان اسٹاک ایکسچینج نے آئندہ مالی سال 2016-17کے وفاقی بجٹ میں سرمایہ کاری کے فروغ کیلیے نجی شعبے کوخصوصی مراعات دینے اور بڑے سرکاری اداروں کی ٹائم بونڈ شیڈول کے ساتھ نجکاری سمیت دیگر تجاویز دیدی ہیں۔ پاکستان اسٹاک ایکسچینج کی جانب سے یہ بھی تجویز دی گئی ہے کہ بیرون ممالک میں مقیم پاکستانیوں کوملک کی سٹاک مارکیٹ میں سرمایہ کاری کی جانب راغب کرنے کیلئے ایس سی آراکاونٹ کھولنے اوران اکاونٹس کے آپریشنل کرنے میں بھی مناسب سہولیات فراہم کی جائیں اورضروری ایڈجسٹمنٹ کی جائیں اورجواوورسیز پاکستانیزملکی سٹاک مارکیٹ میں سرمایہ کاری کریں انہیں ان اکاونٹس کے کھولنے اور انکے آپریشنل ہونے میں سہولتیں دی جائیں۔