اسلام آباد(نیوزڈیسک)سب سے زیادہ بجلی کس صوبے میں چوری ہوتی ہے؟ حیرت انگیز انکشاف، یوں تو خیبرپختونخوا کے بارے میں کہاجاتا رہا ہے کہ وہاں سب سے زیادہ بجلی چوری کی جاتی ہے مگر وزارت پانی وبجلی کی رپورٹ نے دودھ کا دودھ اورپانی کا پانی کردیا قومی اسمبلی کو بتایا گیاہے کہ گزشتہ 5 سال میں سندھ میں سب سے زیادہ 34 ارب 45کروڑاوردوسرے نمبر پر پنجاب میں 18 ارب 4کروڑ کی بجلی چوری کی گئی۔قومی اسمبلی میں گزشتہ 5 سال کے دوران بجلی چوری اور مقدمات پر وزارت پانی و بجلی کی رپورٹ پیش کی گئی،رپورٹ کے مطابق سندھ میں سب سے زیادہ 34 ارب 45 کروڑ کی بجلی چوری ہوئی جب کہ5ارب20 کروڑ روپے کی وصولیاں کی گئیں۔رپورٹ کے مطابق پنجاب میں 18 ارب 4کروڑ کی بجلی چوری ہوئی اور 9ارب 97 کروڑ کی وصولی کی گئی،خیبرپختونخوا میں 17ارب 63 کروڑ کی بجلی چوری ہوئی جب کہ 2 ارب 13 کروڑ کی وصولی کی گئیں، بلوچستان میں30 کروڑ کی بجلی چوری ہوئی اور 9کروڑ 70لاکھ کی وصولیاں کی گئیں۔وفاقی وزیر پانی وبجلی خواجہ آصف نے ایوان کو بتایا کہ پنجاب اور خیبرپختونخوا کے دریاﺅں پر چھوٹے ڈیمز بنانے کے لیے چین کی کوئی پیشکش موصول نہیں ہوئی۔ وزیرمملکت عابد شیر علی نے بتایا کہ اس سال کے آخر تک بجلی کی پیداوار 18 ہزار میگاواٹ تک ہو جائے گی۔