بیجنگ(نیوز ڈیسک)گزشتہ سال سے چین کا درآمدی تیل پر انحصار 60فیصد بڑھ گیا ہے۔یہ بات چائنااکنامکس اینڈ ٹیکنالوجی ریسرچ انسٹی ٹیوٹ کی ایک صنعتی رپورٹ میں کہی گئی ہے۔ رپورٹ کے مطابق اس بات کا امکان ہے کہ رواں سال چین کا تیل پر انحصار مزید بڑھے گا۔گزشتہ سال وہاں تیل کی کھپت میں چار اعشاریہ چار فیصد اضافہ ریکارڈ کیا گیا ہے جبکہ موجودہ مجموعی کھپت کا تناسب چھ اعشاریہ چھ صفرفیصد ہے۔چائنا اکنامکس اینڈ ٹیکنالوجی ریسرچ انسٹی ٹیوٹ کے نائب سربراہ کیون ڑو کون نے کہا ہے کہ 2016میں چین کا تیل پر انحصار 62فیصد بڑھے گا اور تیل کی طلب میںسات اعشاریہ چار فیصد اضافہ ہو گا کیونکہ چین میں موٹر کاروں کی ملکیت اور شہری علاقوں میںاضافہ ہو گا جس کی وجہ سے ریاست تیل کے ذخائر بڑھائے گی۔چین دنیامیں تیل خریدنے والا بڑا ملک ہے۔واضح رہے کہ وافر مقدار میں سپلائی کی وجہ سے عالمی مارکیٹ میں تیل کی قیمتوں میں مزید کمی کا امکان ظاہر کیا جارہا ہے۔