کراچی (نیوز ڈیسک )ٹیکنالوجی کی دنیا میں امتیازی حیثیت کی حامل موبائل فون کمپنی ہواوے نے پاکستان میں اسمارٹ فون میٹ8کی پری بکنگ کا اعلان کردیا ہے۔ہواوے نے میٹ8کی پری بکنگ کے وقت آرڈرز دینے والے صارفین کیلئے انعامات کا بھی اعلان کیا ہے۔ملک بھر میں ہواوے کے تمام آؤٹ لیٹس اور بااختیار ڈیلرز نے پیر کے روز سے میٹ8کے بکنگ آرڈرز وصول کرناشروع کردیئے ہیں۔ہواوے برانڈ پسند کرنے والے صارفین محض5ہزار روپے کی ادائیگی سے میٹ8کی پری بکنگ کرسکتے ہیں جہاں انہیں میٹ 8کی ڈیلیوری کے وقت ترجیح دی جائیگی۔ہواوے میٹ8کی پری بکنگ کے وقت صارفین ڈیلرز سے گفٹ واؤچرز بھی حاصل کرسکیں گے،ان گفٹ واؤچرز کی مالیت10ہزار روپے تک ہے اور حقدار صارفین تک ان گفٹ واؤچرز کو پہنچانے کیلئے انہیں باقاعدہ طریقہ کار اور صارفین کی ذاتی معلومات کے تحت بھرا جائیگا تا کہ ان واؤچرز تک حقدار صارفین کی ہی رسائی ہوسکے۔صارفین اس واؤچر اسکیم کو میٹ8کی خریداری کے وقت بطور کیش گفٹ بھی استعمال کرسکیں گے۔ہواوے نے اسی پر اکتفا نہیں کیا بلکہ رواں ماہ کی21تاریخ تک میٹ 8کے آرڈرز دینے والے10خوش نصیب صارفین کو بذریعہ قرعہ اندازی رن ایوےRun Away) )فیشن شو کے مفت پاسنز بھی دیئے جائینگے۔