لاہور(نیوزڈیسک)اب پھر دیر سے جانا ۔۔۔! سعودی عرب میں پی آئی اے کے ساتھ ”کمال“ ہوگیا،جدہ سے لاہور آنے والی پرواز اٹھارہ گھنٹے تاخیر کا شکار ہونے پر سعودی ایوی ایشن نے قومی ایئرلائن پر دس ہزار ریال کاجرمانہ عائد کردیا۔ذرائع کے مطابق سعودی ایوی ایشن نے پی آئی اے کو ہدایت کی ہے کہ چوبیس گھنٹے کے اندر ادائیگی کی جائے بصورت دیگر پی آئی اے کی پروازوں پر پابندی بھی عائد ہوسکتی ہے ۔ذرائع کے مطابق جدہ سے لاہور آنے والی پی آئی اے کی پرواز پی کے760طیارہ نہ ہونے کی وجہ سے اٹھارہ گھنٹے سے زائد تاخیر کا شکار ہوئی۔ایئرپورٹ پر مسافروں کی پریشانی کو دیکھتے ہوئے سعودی عرب نے جرمانہ عائد کیا ۔ذرائع کے مطابق اسلام آباد سے جدہ جانیوالی پروازپی کے741بھی 17گھنٹے سے زائد تاخیر کا شکار ہے بوئنگ 777طیارے میں خرابی کی وجہ سے پروازاسلام آباد سے روانہ نہیں ہوسکی تھی اورمسافروں کو کئی گھنٹے سخت سردی میں ایئرپورٹ پر رہنے کے بعد مسافروں کے احتجاج پر ہوٹل منتقل کیا گیا۔