نیویارک (نیوز ڈیسک) امریکی حصص بازاروں میں گزشتہ روز تیزی کا رجحان دکھائی دیا جس کی وجہ فیڈرل ریزرو کا گزشتہ 9 سال میں پہلی مرتبہ قرضوں پر شرح سود میں اضافے کا اعلان ہے۔ وال سٹریٹ میں کاروباری سرگرمیوں کے اختتام پر ڈاﺅ جونز انڈسٹریل ایوریج 1.3 فیصد یا 224.18 پوائنٹس کے اضافے سے 17749.09 پوائنٹس کی سطح پر رہا جبکہ ایس اینڈ پی 500 انڈیکس 1.5 فیصد یا 29.66 پوائنٹس کی بہتری سے 2073.07 پوائنٹس اور نسڈک کمپوزٹ انڈیکس 1.5 فیصد یا 75.77 پوائنٹس کے اضافے سے 5071.13 پوائنٹس کی سطح پر ریکارڈ کیا گیا۔ یاد رہے کہ امریکی فیڈرل ریزرو نے 9 سال میں پہلی مرتبہ قرضوں پر شرح سود میں اضافے کا اعلان کیا ہے۔