کراچی (آئی این پی) پاکستان پیٹرولیم نے صوبے سندھ میں گیس کا نیا ذخیرہ دریافت کرلیا ۔ملک میں جاری توانائی کے بحران پر قابو پانے کے لئے جہاں بین الاقوامی سطح پر پاکستان کے دوسرے ممالک سے رابطے ہو رہے ہیں وہی مقامی سطح پر بھی گیس کی تلاش کے لئے مختلف کمپنیاں کام کر رہی ہیں۔پاکستان پیٹرولیم نے بھی صوبہ سندھ میں مھٹیاری ڈسٹرک میں گیس کا نیا ذخیرہ دریافت کیا ہے۔ ابتدائی معلومات کے مطابق کنویں سے 65 ملین مکعب فٹ گیس حاصل ہو رہی ہے۔ماہرین کے مطابق گیس کے اس کنویں کی دریافت سے توانائی کے بحران پر قابو پانی میں کچھ مدد ملے گی۔