سلام آباد (نیوز ڈیسک)وفاقی وزیر خزانہ اسحاق ڈار نے چاروں صوبوں کے وزراءاعلیٰ کو خط تحریر کیا جس میں کہا گیا ہے کہ ناجائز منافع خور عناصر 40 ارب کے نئے ٹیکسوں کی آڑ میں مقامی اشیا مہنگی کر کے عوام کو لوٹ رہے ہیں ،ایسے عناصر کے خلاف سخت کارروائی کی جائے۔ وفاقی وزیر خزانہ کی زیر صدارت پرائس کنٹرول کمیٹی کا اجلاس ہواجس میں نئے ٹیکسوں کے اطلاق کے بعد ناجائز منافع خوری بڑھنے پر تشویش کا اظہار کیا گیا۔ اس موقع پر اسحاق ڈار نے کہا کہ40 ارب کا ٹیکس پرتعیش درآمدی اشیا پر لگا یا ہے جس سے عام آدمی متاثر نہیں ہوتا۔انہوں نے کہا کہ عام استعمال کی اشیا کی قیمتوں میں اضافے کا کوئی جوازنہیں ہے ،مقامی اشیا کی قیمتوں میں اضافہ ناجائز منافع خوری ہے۔اجلاس کے بعد وفاقی وزیر خزانہ نے چارو ں صوبوں کے وزرائے اعلیٰ کو خط لکھا جس میںناجائز منافع خوروں کے خلاف سخت کارروائی کی ہدایت کی گئی –