اسلام آباد (نیوزڈیسک)عالمی ادارے نے پاکستان کی معاشی کارکردگی کی تعریفوں کے پل باندھ دیئے، موڈیز نے پاکستان کی جانب سے اعلان کردہ گلوبل بانڈز پیشکش کو (پی)بی3کا درجہ دیدیا۔ جمعہ کو عالمی کریڈٹ ریٹنگ ایجنسی موڈیز انوسٹرز سروس نے پاکستان کی جانب سے اعلان کردہ گلوبل بانڈز پیشکش کو (پی)بی3کا درجہ دیدیاجاری ایک بیان میں کہا گیا ہے کہ پاکستان کی بی تھری ریٹنگ، اعتدال پسند اقتصادی استحکام کا عکاس ہے اور ملک کا اقتصادی جائزہ پائیدار ہے۔موڈیز کے مطابق اگر چہ معیشت کا حجم نسبتا زیادہ ہے لیکن عالمی سطح پر پاکستان کی فی کس آمدنی کی سطح نسبتاً کم ہے۔چین پاکستان اقتصادی کوریڈور پر عملدرآمد سے ٹرانسپورٹیشن اور پاور جنریشن انفرا سٹرکچر میں سرمایہ کاری سے ملکی اقتصادی گروتھ میں اضافہ ہو گا۔ موڈیز کے مطابق آئی ایم ایف پروگرام کے تحت اصلاحات سے حکومت پاکستان کو نمایاں کامیابیاں ملی ہیں۔ان میں خسارے میں کمی ،توانائی سیکٹر میں رکاوٹوں کا خاتمہ اور متعدد سرکاری اداروں کی نجکاری جیسی اہم کامیابیاں شامل ہیں تاہم پاکستان کی خود مختار کریڈٹ ریٹنگ کو آگے کی جانب لیجانے والے دیگر عوامل کی رفتار قدرے کم ہے۔موڈیز کے بیان میں کہا گیا ہے کہ حکومتی قرضے سے متعلق رسک میں بھی کمی آئی ہے۔ بنکوں کا انتظام بہتر ہے لیکن اقتصادی اور سیاسی دھچکوں کا زیادہ متحمل نہیں ہے۔ پاکستان کا مستحکم جائزہ متوازن رسک سے متعلق ہمارے توقعات کا عکاس ہے۔مثبت حالیہ پیشرفت کے باوجود کچھ مشکلات موجود ہیں،جن میں قرضوں کی بلند سطح اور ریونیو کی محدود بنیاد شامل ہیں۔اسکے ساتھ ساتھ بجلی کے شعبے میں کمزوریاں بھی نمو کی راہ میں رکاوٹ ہیں۔موڈیز رپورٹ کے مطابق پاکستان کی فنانسنگ کا بڑا زریعہ مقامی وسائل ہیں اس لئے بیرونی قرضے درمیانے درجے کریڈٹ رسک کے حامل ہیں۔