اسلام آباد(نیوز ڈیسک) حکومت نے تجارت کے فروغ اور سہولتیں فراہم کرنے کے لیے تجارتی سفارتکاری سمیت سمیت اہم اقدامات کرنے کا فیصلہ کیا ہے،تجارت کوفروغ، خسارہ کم اور سیلزٹیکس ریفنڈ کا آن لائن سسٹم بنایا جائے گا۔وزارت تجارت کے اعلیٰ حکام کے مطابق ایکسپورٹرز کو زیادہ سے زیادہ سہولتوں فراہم کرنے کی غرض سے ریسرچ اینڈڈیولپمنٹ، ویلیو ایڈیشن، برانڈنگ اور نئی مارکیٹوں کی تلاش کے لیے موجودہ اداروں کی کیپسٹی بلڈنگ کی جائے گی، کاروباری لاگت کم کرنے کے لیے اسٹینڈرائزیشن کو فروغ دیا جائے گا، اس کے ساتھ ٹریڈ ڈپلومیسی شروع کرنے کے لیے نئے ادارے بنائے جائیں گے۔ وزارت تجارت کے مطابق ہمارے ہاں اسپیشلائز ادارے نہیں ہیں، ہم بھارت کی طرز پر ایسے ادارے بنائیں گے جس سے تجارتی سرگرمیوں کو فروغ مل سکے، بھارت میں 12 سال میں ہارٹیکلچر میں 3 گنا اضافہ ہوگیا۔حکام کے مطابق سیلز ٹیکس ریفنڈز نہ ملنے سے بزنس کی کاسٹ بڑھ رہی ہے، اس لیے اس کی فوری ادائیگی کے لیے آن لائن سسٹم متعارف کرایا جائے گا، بارڈرز پر اے این ایف کے حکام سامان کو کھول کر چیک کرتے ہیں جس سے سامان خراب اور ہراسمنٹ ہوتی ہے۔اس مسئلے کے حل کے لیے بارڈرز پر اسکینرز لگائے جائیں گے تاکہ کنسائنمنٹ کھولنے کی نوبت نہ آئے، اس کے علاوہ ریلوے کارگو سروس شروع کی جا رہی ہے جس کے ذریعے سامان بلک میں پہنچایا جائے گا، اس نئے فورم کی سربراہی سیکریٹری ریلوے کریں گے، اس طرح کارگو سروس سے بھی سامان کی لاگت میں کمی آئے گی، وزارت تجارت نے 30 سال سے اچھی شہرت رکھنے والی کارگو کمپنیوں کے سامان کی چیکنگ کے بغیر بارڈر کراسنگ پر بھی غور شروع کر دیا ہے