کراچی (نیوز ڈیسک ) پھل وسبزیوں کی برآمدات کو اگلے 10 سال میں 7 ارب ڈالر تک پہنچانے کی حکمت عمل پر غور کیا جارہا ہے۔ پاکستانی پھل و سبزیاں اپنی خوشبوں اور ذائقے کے باعث دنیا بھر میں مقبول ہیں۔ پاکستان کو سالانہ 670 ملین ڈالر کا زرمبادلہ پھل و سبزیوں کی برآمدات سے حاصل ہوتا ہے۔
ماہرین کے مطابق یہ شعبہ کافی پھل پھول سکتا ہے اور اس کی برآمدات 7 ارب ڈالر تک پہنچائی جاسکتی ہیں۔ اس حوالے سے فروٹ اینڈ ویجٹیبل ایکسپورٹر ایسوسی ایشن کے رہنما آج وزیر تجارت سے ملاقات کر رہے ہیں جس میں پھل و سبزیوں کی پیداوار اور برآمدات آئندہ 10 سال میں 7 ارب ڈالر تک پہنچانے کی حکمت عملی پر غور کیا جائے گا جبکہ جلد ہی وزیر اعظم کو بھی اس حوالے سے بریفنگ دی جائے گی۔