اسلام آباد(نیوزڈیسک)وفاقی وزیر خزانہ اسحاق ڈار نے کہا ہے کہ پاکستان کو مستحکم معیشت کی جانب گامزن کردیا اور آنے والے مہینوں میں معاشی طور پر عوام کو مزید خوش خبریاں ملیں گی تاہم معیشت پر سیاست ہر صورت بند ہونی چاہیے۔ سرمایہ کاری سے متعلق تقریب سے خطاب کے دوران وزیرخزانہ اسحاق ڈار نے کہا کہ 2013 کے انتخابات سے پہلے عالمی ادارے پاکستان کو نادہندہ قرار دینے والے تھے تاہم آج پاکستان کے زرمبادلہ کے ذخائر تاریخ کی بلندترین سطح پر ہیں اور پاکستان معاشی طور پر توانا ہوچکا ہے۔ انہوں نے کہا کہ ہم اپنے منشور کے مطابق پاکستان کو معاشی لحاظ سے مستحکم بنا رہے ہیں اور پاکستان میں ٹیکس ریٹ کو 3 فیصد سے 16 فیصد پر لے آئے پاکستان کے زرمبادلہ کے ذخائر ساڑھے18 ارب ڈالر ہوچکے ہیں اور پاکستان ہر آنے والے سال میں معاشی بہتری کی طرف جائےگا۔اسحاق ڈار نے کہا کہ دسمبر 2017 تک 10 ہزار میگا واٹ بجلی سسٹم میں شامل کریں گے اور 2018 تک مزید 14 ہزار میگا واٹ کے