لاہور(نیوزڈیسک) پاکستانی معیشت میں بہتری کا معروف عالمی جریدے “فوربز” نے بھی اعتراف کیا ہے۔ رپورٹ میں کہا گیا ہے کہ پاکستان عالمی سطح پر مضبوط معیشت بننے کی صلاحیت رکھتا ہے۔ جریدے نے امریکی پالیسی سازوں اور بزنس لیڈرز کو مشورہ دیا ہے کہ وہ پاکستان کیساتھ سکیورٹی امور سے ہٹ کر تجارتی شراکت داری کا جائزہ لیں۔ جریدے نے دہشت گردی کیخلاف جنگ میں پاکستانی حکومت ، فوج اور عوام میں اتفاق رائے کو سراہا اور کہا کہ سانحہ پشاور کے بعد پاک فوج نے پوری طاقت سے دہشتگردوں کیخلاف کارروائی کی۔ رپورٹ میں مزید کہا گیا ہے کہ وزیراعظم نواز شریف نے آزاد انکوائری کمیشن کے ذریعے مبینہ انتخابی دھاندلی کی شفاف تحقیقات کرائی۔ فوربز کا کہنا ہے کہ دھرنے کا پر امن اختتام پاکستان میں جمہوریت کی مضبوطی کا عکاس ہے۔