کراچی(نیوز ڈیسک)کراچی کے علاقے سائٹ میں تولیہ بنانے والی فیکٹری آگ لگئی، جس کے نتیجے میں کروڑوں روپے کا سامان جل کرخاکسترہوگیاتاہم کوئی جانی نقصان نہیں ہواہے۔ ریسکیو آپریشن میں 18 گاڑیوں نے حصہ لیا،چار گھنٹوں کے بعد آگ پرقابو پا لیا گیا۔تفصیلات کے مطابق سائٹ ایریا میں تولیہ بنانے والی فیکٹری میں اچانک آگ بھڑک اٹھی،معمولی نوعیت کی آگ نے کچھ ہی دیر میں فیکٹری کا بڑا حصہ اپنی لپیٹ میں لے لیا تاہم فائربریگیڈ نے 4 گھنٹوں کی جدوجہدکے بعد آگ پر قابو پا لیا۔ فائربریگیڈ حکام کے مطابق ریسکیو آپریشن میں 18 گاڑیوں نے حصہ لیا۔ ابتدائی طور پر آگ لگنے کی وجہ شارٹ سرکٹ معلوم ہوتی ہے۔ فیکٹری مالکان کے مطابق آتشزدگی کے نتیجے میں کروڑوں روپے کا سامان جل گیا ہے تاہم کوئی جانی نقصان نہیں ہواہے۔