اسلام آباد(نیوز ڈیسک) حکومت نے اگلی پانچ سالہ ٹیکسٹائل پالیسی کے تحت اہم برآمدی شعبے کو مختلف مرعات دینے کا فیصلہ کیا ہے ۔ ٹیکسٹائل برآمدات کا ہدف چھبیس ارب ڈالر پہنچایا جائیگا ۔ سرکاری حکام کے مطابق آئندہ پانچ سالہ ٹیکسٹائل پالیسی کے تحت ملک کے اہم برآمد ی شعبے کو 64 ارب ڈالر کی سبسڈی دی جائیگی ۔ سبسڈی دینے کا مقصد ملکی برآمدات کو 26 ارب ڈالر تک بڑھانا ہے ۔ اس ضمن میں ٹیکسٹائل مشینری اور پلانٹس کو ڈیوٹی سے مستثنیٰ قرار دینے کے علاوہ ، چھوٹے اور درمیانے درجے کی صنعتوں کو خصوصی مراعات دی جائیں گی ۔ جبکہ ٹیکسٹائل شعبے سے وابستہ بارہ ہزار سے زائد افراد کو تربیت دی جائیگی ۔