کراچی (نیوزڈیسک) سوئی سدرن گیس کمپنی نے پاکستان سٹیل کو گیس منقطع کرنے کا نوٹس جاری کردیا ۔ گیس کمپنی کی جانب سے پندرہ جولائی کو سی ای او پاکستان سٹیل کو لکھے خط میں پینتیس ارب کے واجبات کی عدم ادائیگی کی صورت میں گیس کنکشن کاٹنے کا عندیہ دیا گیا ہے ۔ خط میں کہا گیا ہے پہلے مرحلے بائیس جولائی سے پریشر کم کیا جائے گا اور اٹھائیس جولائی کو کنکنش کاٹ دیا جائے گا ۔ ایس ایس جی سی نے واضع کیا ہےکہ عدم فراہمی کی صورت میں پلانٹ کو ہونے والے نقصان کی ذمہ داری گیس کمپنی پر نہیں ہوگی ۔ واضح رہے کہ گیس کی عدم فراہمی اور واجبات کی عدم ادائیگی پر دو اداروں کے درمیان کئی روز سے سرد جنگ جاری ہے