اسلام آباد (نیوز ڈیسک ) رواں مالی سال کے دوران زرعی قرضوں کے اجراءمیں اکتیس فیصد اضافہ ہوا ، ابتدائی گیارہ ماہ کے دوران چار سو انتالیس ارب روپے کے زرعی قرض جاری ہوئے۔ حکومت نے رواں مالی سال کے لئے پانچ سو ارب روپے کے زرعی قرضوں کے اجرائ کا ہدف مقرر کیا تھا۔ سٹیٹ بینک کے اعداد و شمار کے مطابق جولائی سے مئی تک ہدف کا اٹھاسی فیصد پورا کرلیا گیا ہے۔ ابتدائی گیارہ ماہ کے دوران چار سو انتالیس ارب روپے کے قرض جاری ہوئے۔ گزشتہ مالی سال کے اِسی عرصے میں تین سو چونتیس ارب روپے کے زرعی قرض جاری کئے تھے۔