کراچی(نیوز ڈیسک) اسٹیٹ بینک نے مارکیٹ ٹریڑیری بلز مجموعی رقم 89 ارب 56 کروڑ 92 لاکھ 47 ہزار روپے میں فروخت کر دیے۔مرکزی بینک سے بدھ کو جاری کردہ اعدادو شمار کے مطابق اسٹیٹ بینک نے 3 ماہ، 6 ماہ اور 12 ماہ کی میچوریٹی پر مشتمل حکومت پاکستان مارکیٹ ٹریڑیری بلز کی موصول ہونیوالی مجموعی بولی 89 ارب 56 کروڑ 92 لاکھ 47 ہزار روپے میں فروخت کر دیے جبکہ نیلامی میں مارکیٹ ٹریڑیری بلز کی پیش کردہ مجموعی بولی 91 ارب 29 کروڑ 20 لاکھ روپے مقرر کی گئی تھی۔ قبل ازیں مرکزی بینک نے 3 ماہ، 6 ماہ اور 12 ماہ کی میچوریٹی پر مشتمل حکومت پاکستان مارکیٹ ٹریڑیری بلز کی فروخت کیلیے اپنے مقرر کردہ پرائمری ڈیلروں سے بدھ 24 جون 2015 کو ٹینڈرز طلب کیے۔نیلامی میں 3 ماہ کی میچوریٹی پر مشتمل مارکیٹ ٹریڑیری بلز کی فروخت کے لیے 76 ارب 65 کروڑ 61 لاکھ 47 ہزار روپے، 6 ماہ کی میچوریٹی پر مشتمل مارکیٹ ٹریڑیری بلز کی فروخت کے لیے 11 ارب 42 کروڑ 50 لاکھ ہزار روپے اور 12 ماہ کی میچوریٹی پر مشتمل مارکیٹ ٹریڑیری بلز کی فروخت کیلیے 1 ارب 87 کروڑ روپے کی موصول ہونے والی بولیاں منظور کر لی گئیں۔