اسلام آباد(نیوز ڈیسک) چیرمین ایف بی آر نے وائرلیس کے زریعے انٹرنیٹ استعمال کرنے والے صارفین کا شمار ملک کے امیر ترین افراد میں کر دیا ہے سینٹ کی خزانہ کمیٹی کو بریفنگ دیتے ہوئے چیرمین ایف بی آر نے کہا کہ حکومت نے انٹرنیٹ کے استعمال کرنے والے صارفین پر کوئی ٹیکس عائد نہیں کیا ہے تاہم انٹرنیٹ کےلئے استعمال ہونے والی ایوو سمیت ڈیگر ڈیوائسز پر ٹیکس عائد کیا گیا ہے کیونکہ جن افراد کے پاس یہ ڈیوائسز ہونگی وہ غریب نہیں بلکہ امیر ہوتے ہیں انہوں نے بتایا کہ وفاق نے نہیں بلکہ سندھ حکومت نے انٹرنیٹ استعمال کرنے والے صارفین پر ٹیکس عائد کرنے کا فیصلہ کیا ہے واضح رہے کہ ملک میں انٹرنیٹ استعمال کرنے والے صارفین کی بڑی تعداد ایو و ڈیوائس کا استعمال کرتی ہے اور کچھ عرصہ قبل پی ٹی سی ایل نے انٹرنیٹ استعمال کرنےو الے صارفین کی تعداد میں اضافے کےلئے بہت بڑی تعداد میں انٹرنیٹ ڈیوائسز صارفین کو مفت فراہم کر دئیے تھے جن پر اب ایف بی آر نے ٹیکس لاگو کر دیا ہے ۔